Hos 4 | ZomZIV | STEP | No Israel-te aw, TOPA kammal za un, bang hang hiam cih leh no gam sunga teng mite langkhat ah TOPA in mawhmatna khat hong tungsak ding hi. “Gam sungah muanhuaina, itna, Pasian theihna a om kei hi.

Hosea 4

Israel A Salhna

1 No Israel-te aw, TOPA kammal za un,
bang hang hiam cih leh no gam sunga teng mite langkhat ah TOPA in ^a
mawhmatna khat hong tungsak ding hi. ^b
“Gam sungah muanhuaina, itna, ^c
Pasian theihna a om kei hi. ^d
2 Hamsiatna ^{▼▼4.2 Tua pen hamsiatna lawhna kammal}, zuauna le kithahna, ^f
guktakna le angkawmna bek om a;
ciangtan nei loin sisan luanna in
sisanluanna a nungzuih hi. ^g
3 Hih thu hangin leitang thum ^{▼▼4.3 Ahikeh keugaw} in, ⁱ
a tunga teng khempeuh a maimang hi; ^j
gam sunga gamsate, huih lak-a vasate le,
tuipi sunga ngasate a si ding uh hi. ^k
4 “Ahi hangin kuamah mawhmatna thuaksak loin
kuamah in midang khat mawhsak kei hen,
ahang in na mite uh
siampi khat tungah mawhsakna a tunte tawh kibang hi. ^l
5 Sun le zanin na kimuktu uh a,
kamsangte no tawh a kimuktu khawm uh hi.
Tua hi-a na nu ka susia ding hi - ^m
6 keima mite theihna neihlohna hanga kisia ahi hi.
“Theihna nial na hi manun
ka siampite dingin kong nial hi;
Pasian thukham thusim lo na hi manun
kei zong na tate uh ka thusim kei ding hi.
7 Siampite a punna uh tawh kizui-in
kei langah tam a mawhzaw uh hi;
amaute ^{▼▼4.7 Mesoretic Bupi; Hebrew-te tanglai laizial khat ah ka} in amau Minthanna pen maimawlna khatpeuh tawh a khek ^{▼▼4.7 Syriac le Hebrew tang ngeina laizial khat; Masoretic Bupi ah ka laih ding} uh hi. ^p
8 Ka mite mawhnate-in kivak uh a,
a gitlohnate uh nuam a sa uh hi.
9 A tuaci mah ding hi; mite le siampite a kibang ahi hi. ^q
Amaute lampite hangin amaute gel dan ka piakhawm dinga,
amaute sepsa tawh kizui-in ka thuk kik ding hi. ^r
10 “Amaute in a nek uh hangin kham zo lo ding uh a; ^s
a kizuak uh hangin a pung tuan kei ding uh hi,
bang hang hiam cih leh amaute in TOPA taisanin , ^t
amau le amau kizuak uh a, ^u 11 ka mite theihtelna a lakhiamang
kizuakna zului le zuthak ah
a kipiakhia uh hi. 12 Amaute in ^v
sing milim thu dong uh a,
ciangkang khatin a dawng hi. ^w
Kizuakna kha khat in amaute lam khialsak hi; ^x
amau Pasian tungah a muanhuai kei uh hi. ^y
13 Amaute in mualliante dawnah biaknate pia uh a,
mualneute tung, tehno sing lak,
hiang sing le terebinth kungte nuai ^z
a liim nopna peuh ah biakna a hal uh hi. ^aa
Tua ahi ciangin na tanute uh numei kizuak suak uh a,
na mote uh angkawm a suak uh hi. ^ab
14 “Na tanute uh kizuak a suah uh ciang,
na mote uh angkawm a suah uh ciangin,
dan ka thuaksak kei ding hi,
bang hang hiam cih leh pasalte mahmah
numei kizuakte tawh kithuahin
biakbukno a numei kizuakte tawh biakna a pia khawm uh hi - ^ac
theihtelna a nei lo mite a kisiat ding mah ahi hi. ^ad
15 “Israel aw, ang na kawm ta zongin
Judah beek mawh kei hen.
“Gilgal ah pai kei in; ^ae
Beth Aven ^{▼▼4.15 Beth Aven pen gitlohna cihna (Bethel min khat, Pasian inn cihna)} ah pai kei in. ^ag
TOPA nuntakna lo-in kiciam kei in.
16 Israel-te lungkhauh uh a,
bawngla lungkhauh bang uh hi.
Tua ahileh TOPA in bang ci-in
lonona-a tuunote bangin lono-in vak thei ding hiam?
17 Ephraim pen milimte tawh kipaikan hi;
ama omin omsak lel in!
18 A dawnte uh a bei ciang nangawnin
a kizuak uh zom lai uh hi;
a gam-ukte un a maizumhuai nate it uh hi.
19 Amaute pingpei in zialmang dinga, ^ah
amau biak piakna in maizumna a tun ding hi. ^ai